Alhliða pípulagningaþjónusta

Benni Pípari ehf. var stofnað af Benedikt G. Jónssyni Pípulagningameistara árið 2007 og er Benedikt framkvæmdastjóri og jafnframt eini eigandi fyrirtækisins. 

Benni Pípari hefur komið að mörgum stórum sem litlum verkum í gegnum árin. Við sinnum viðhaldsverkefnum sem og nýlögnum stórum sem smáum. Við þjónustum einstaklinga, fasteignafélög, húsfélög, bæjarfélög, verslanir og ýmis stór sem smá fyrirtæki.  

Benni Pípari ehf. er fjárhagslega vel statt fyrirtæki og vel tækjum búið til að takast á við nánast öll verkefni er snúa að pípulögnum. Starfsmenn okkar búa yfir mikilli reynslu á sviði pípulagna og er sú þekking og reynsla í raun stærsti auður fyrirtækisins.

Starfsmenn hjá Benna Pípara eru á meðaltali í kringum 10-12.

Benni Pípari ehf. tekur að sér öll verkefni er snúa að pípulögnum, hvort sem er sem aðalverktaki eða undirverktaki. Við vinnum verkefnin samkvæmt tilboði eða í tímavinnu ef um er að ræða smærri verkefni.

Benni Pípari er framsækið fyrirtæki sem leggur mikla áherslu á vönduð og fagleg vinnubrögð, og ekki síst snyrtimennsku. Við efnisval er einungis unnið með gæðaefni frá viðurkenndum og vottuðum söluaðilum/framleiðendum.   

Benni Pípari er á meðal 2,3% íslenskra fyrirtækja sem uppfylla ströng skilyrði Viðskiptablaðsins og Keldunnar og er fyrirmyndarfyrirtæki í rekstri árið 2020, 2021 og 2022. Benni Pípari er aðili að rammasamningi Ríkiskaupa frá og með 01.09.2020. um er að ræða þjónustu pípulagna við ríkisstofnanir á Suðurnesjum og á höfuðborgarsvæðinu. Á vefsvæði ríkiskaupa má finna lista yfir þau fyrirtæki sem eru aðilar að samningum á hverju svæði fyrir sig. https://www.rikiskaup.is/is/rammasamningar/samningarnir/voruflokkar/pipulagnir

Benedikt G. Jónsson
-Framkvæmdastjóri / Pípulagningameistari